In My Tongue

Uuni ngurene oome ya Meru, igita ria kugurana ni kwarii naa, mwanya ntegurine, niontu uria Gikuu kuria ngurene, nteguri uria bathithagia ni mwanya na nteguri ya Kimeru. Kiingi ni mugambo ta kwaraniria mantu noontu twaaria na kimeru, Gikuu batikwigua mantu jonthe, na gikuu baaria, kimeru batikwigua mantu jonthe. Jau nijo mantu jaria jaari jamanene.

Riria nderire famili yakwa inkwenda kugurana oome ye Meru, Gikuu guntu gwitagwa Nyeri, bwambere okey ibetikiririe bataari na thina, lakini kiibo bathuganagia nkaagurana oo kuu gwetu Meru Iindi umwe na buu, gutarii na thina inene kiri boo gwitikiria nkagurane oome ya Meru. Mono mono ni oontu nini ndaari wa mbere njaa kana mucii jwetu kugurana oome ya Meru buu niu mpumba gucokia aau.

Kwithirwa ni ndombaa kwaria gikuu, mbere kinini ndacoka ndamenya bwega ni giantetherie ndeta kwaria na aa-thoni bakwa baigua ni nkwaaria mugambo jwao, ibambitikiririe haraka na mpwii nkuruki ya muntu ukwaria migambo ingii, utikumba kwaria mugambo jwao. Na kinya kiri nii, beeta baaria, indaigagua uria bakuuga kwou kuringi kwithirwa kwii gintu barii nakio baithaga iindombaa kumenya. Na kuumba kwaria gikuu gwakwa, igwatethererie twomba kwiganua mantuune ja kugurana rahisi guuti na thiina inyingi.